ҚТЖ элеваторларға тәулік бойы жұмыс режиміне көшуді ұсынды

Қазақстан астықтың жоғары өнімін күтуде. Жаңа егінді бірқалыпты тиеу мен тасымалдауды қамтамасыз ету үшін ҚТЖ компаниясы 15 тамыздан 31 желтоқсанға дейін астық пен ұнтақтау өнімдерін тасымалдауды ұйымдастыру жөніндегі штабтардың жұмысын қайта бастайды.

Жаңа маусымның басталуына дайындалу барысында ҚТЖ барлық уәкілетті құрылымдарға мүмкіндігінше тиеу кідірістерін болдырмау үшін жұмысты ұйымдастыру туралы ұсыныстармен хаттар жіберді.

Негізінен дәнді дақылдарды жаппай жөнелту кезеңінде компания элеваторлар мен астық қабылдау кәсіпорындарының, оның ішінде демалыс және мереке күндері тәулік бойы жұмысын қамтамасыз етуді сұрайды. Өз кезегінде жүк алушылар – ұн тартушылар, құс фабрикалары және т.б. – түсіруді де жедел қамтамасыз ету қажет.

Сондай-ақ, ҚТЖ уәкілетті мемлекеттік органдарды астықты жаппай жөнелту кезеңінде демалыс және мереке күндері жұмысты ұйымдастыру үшін өңірлік фитосанитариялық және карантиндік бақылау қызметтерінің штатын уақтылы жасақтауға шақырады.

Егін жинау басталғанға дейін жүк иеленушілермен және элеваторлармен тасымалдарды маршруттау туралы ақпараттық сессиялар жоспарланады, оларды ұйымдастыру вагондардың айналымын жеделдетуге және олардың тапшылығын жоюға мүмкіндік береді.