Қазақстан мақта экспортынан 152 млн доллардан астам табыс тапты

Өткен аграрлық маусымда (тамыз 2023-қыркүйек 2024) сыртқы нарықтарға мақта жеткізу Қазақстанға 152,5 млн доллар табыс әкелді. Негізгі сатып алушылар Қытай мен Түркия болды, олар қазақстандық мақтаны тиісінше 80,7 млн доллар және 38,1 млн долларға сатып алды.

1) Қытай 80,7 млн доллар

2) Түркия 38,1 млн доллар

3) Латвия 13,1 млн доллар

4) Молдова 9,6 млн доллар

5) Ресей 8,1 млн доллар

Сондай-ақ, сатып алушылар арасында Беларусь (2 млн доллар), Қырғызстан (0,7 млн доллар) болды.

Салыстыру үшін, 2022/23 маусымда Қазақстан сыртқы нарықтарға 112,9 млн долларға мақта сатты.

Сол кезде қазақстандық мақтаны 32,6 млн долларға сатып алған негізгі сатып алушы Түркия болды.