KazAgro/KazFood Turkistan2023-те 256,6 млрд теңгеге келісімшарттарға қол қойылды
KazAgro/KazFood Turkistan2023 бірінші халықаралық сауда көрме-жәрмеңкесінде бүгін жалпы сомасы 256,6 млрд теңгеге келісімшарттарға қол қойылды. Оның ішінде Түркістан облысының аумағында Ресей, Қырғызстан және Өзбекстан компанияларының қатысуымен инвестициялық жобаларды іске асыру жоспарлануда.
Атап айтқанда, Turkestan Agro.kz компаниясы Арыс қаласында және Сайрам ауданында ет кластерін құруды жоспарлап отыр. Жобаның құны 32 млрд теңгеге бағаланады.
Сондай-ақ, қызанақ өнімдерін өндіру бойынша кластер құру және май комбинатын салу жоспарлануда. Бұл жобаларға 101 млрд теңге инвестицияланады, ал оларды "Русагро" компаниялар тобы мен "Май комбинаты" АҚ іске асырады.
Шардара ауданында "Шардара" экспорттық агроөнеркәсіптік кластерін құруға 25,5 млрд теңге салу жоспарлануда. "ATMO Prod Growth Turkestan" ЖШС жобасын іске асыруда.
Өзбек "Global Textile Solutions" ЖШҚ қатысуымен Мақтаарал ауданында мақта-тоқыма кластері құрылып, жобаға 21 млрд теңге инвестиция салынады.
Сондай-ақ, өңір әкімдігі "Otyrar Bio Tech" ЖШС-мен Отырар ауданында жүгеріні терең өңдеу зауытын салу туралы (инвестиция сомасы 40 млрд теңге), Жаркент крахмал-сірне зауытымен Шардара ауданында крахмал-сірне зауытын салу туралы (инвестиция сомасы 26 млрд теңге), "Otyrar Bio Tech" ЖШС-мен Отырар ауданындағы жүгеріні терең өңдеу зауытының құрылысы (40 млрд теңге) туралы меморандумдарға қол қойды.
Екі экспорттық келісімшарт жасалды: "Қайып Ата" ЖШС Өзбекстанға сиыр етін жеткізуге, ал Golden Camel ҚХР-ға түйе сүтінің ұнтағын жеткізуге келісімшартқа қол қойды.
"Қазақстан Нұр-001" ЖШС "Түркістан" индустриялық аймағында шұлық пен костюм өндірісін іске қосуға 3,8 млрд теңге салуды жоспарлап отыр.
Сонымен қатар, Қырғызстанның Түркістан және Ош облыстары арасындағы ынтымақтастықты нығайту жөнінде меморандум жасалды.
Естеріңізге сала кетейік, KazAgro/KazFood Turkistan2023 халықаралық көрме-жәрмеңкесі Түркістан облысында алғаш рет өткізіліп отыр. Ол 20-22 наурыз аралығында жалғасады. Көрме-жәрмеңке аясында іскерлік және мәдени-бұқаралық іс-шаралар өткізіледі.