Демалыс күндері Қазақстанда жаңбыр жауып, салқын болады деп болжануда

Демалыс күндері, 27-29 маусымда Қазақстанда жаңбыр жауып, салқын болады деп күтілуде. Бұл туралы Қазгидромет хабарлады.

«Демалыс күндері Қазақстан аумағының көп бөлігіне белсенді циклон әсер ететін болады. Солтүстіктен келген циклон әсерінен жаңбыр жауып, солтүстік, солтүстік-батыс және орталық облыстарда күн біршама салқындайды. Сондай-ақ республиканың солтүстік жартысында түнде ауа температурасы 2-10 градус, күндіз 10-18 градусқа дейін төмендейді», - дейді синоптиктер.

Қазақстан Республикасында атмосфералық фронттардың өтуімен жел күшейіп, бұршақ жауады.

Қазгидрометтің хабарлауынша,  27 маусымда Жамбыл облысында дауыл тұрады деп ескерту айтылды. Кей өңірлерде оңтүстік-батыстан соққан желдің екпіні секундына 15-20 метрге дейін жетеді. Таңертең және күндіз жел екпіні 23-28 метрге дейін жетеді. Найзағай жарқылдап, бұршақ жауады.

Түркістан облысының таулы аймақтарында жаңбыр жауып, найзағай ойнайды, бұрқасын болады. Солтүстік-батыстан соғатын желдің жылдамдығы секундына 15-20 метр, екпіні секундына 25 метрге дейін жетеді.

Шымкентте кей жерлерде найзағай жарқылдап, бұрқасын болады, желдің екпіні секундына 15-20 метрге дейін жетеді.

Қызылорда облысында күн күркіреп, бұршақ жауып, шаңды дауыл тұрады. Солтүстік-батыстан соққан жел 15-20 метрге дейін тұрып, кей жерлерде секундына 25 метрге дейін болады.

Шығыс Қазақстан облысында кей жерлерде найзағай ойнап, бұршақ жауады. Оңтүстік-шығыстан соққан жел оңтүстік-батысқа ауысып секундына 15-20 метр, ал күндіз екпіні секундына 23-28 метрге дейін жетеді деп күтілуде.