Қазақстанда апта басында жаңбыр жауып, жел тұрады

30 маусым - 2 шілде аралығында Қазақстанның көптеген аймақтары жаңбырлы болып, желді ауа райы сақталады. Бұл туралы «Қазгидромет» хабарлайды.

«Оңтүстік Каспий циклоны Қазақстанның көп бөлігіне әсер етеді. Жауын-шашын жауады, орталық аймақтың кейбір жерлерінде қатты жаңбыр және бұршақ жаууы мүмкін», - дейді синоптиктер.

Сондай-ақ, кей жерлерде жел тұрып, оңтүстікте шаңды дауыл тұрады.

Ауа температурасының төмендеуі айтарлықтай болмайды, дейді синоптиктер.

30 маусымда Ақмола облысы мен Нұр-Сұлтан қаласында дауыл тұрып, күн күркіреп, найзағай ойнайды, оңтүстік-шығыстан және оңтүстіктен секундына 15-20 метрге дейін жел тұрады.

30 маусымда күндіз Солтүстік Қазақстан облысының басым бөлігінде жаңбыр жауады. Сондай ақ 30 маусымда күн күркіреп, бұршақ жауады, оңтүстік-шығыстан жел тұрады, шығыстан соққан желдің екпіні секундына 15-20 метрге дейін жетеді.

Қостанай облысының кей жерлерінде найзағай ойнап, бұршақ жауады, желдің күші секундына 15-20 метрге жетеді.

Ақтөбе облысында күндіз кей жерлерде қатты жаңбыр жауып, бұршақ түседі, солтүстік, солтүстік-шығыстан жел соғады. Найзағай жарқылдап, бұрқасын болады.

Атырау облысында күн күркіреп, бұрқасын тұрып, бұршақ жауып, солтүстік-батыстан секундына 15-20 метр жылдамдықпен жел соғады.

Қызылорда облысында күндіз солтүстік-батыстан жел соғады, кей жерлерде желдің күші секундына 15-20 метрге дейін жетеді деп күтілуде.