Қостанай облысында шегірткеге қарсы өңдеу жалғасуда

Қостанай облысында мамандар 2 млн гектардан астам табынды шегірткелердің бар-жоғын тексерді. Өңдеуге жататын 409,3 мың гектардан фитосанитариялық іс-шаралар 385,3 мың гектарға немесе жоспардың 94,1% - на жүргізілді. Бұл туралы Ауыл шаруашылығы министрлігінің баспасөз қызметі хабарлады

Ведомствоның мәліметінше, өңірде жәндіктердің таралуы тіркелген жекелеген шаруа қожалықтарымен нүктелік жұмыс жүргізілуде.

"Мысалы, Науырзым ауданындағы "Кошкодан С.И."  шаруа қожалығын зерттеу алаңы 3,7 мың га құрайды. Шекара маңындағы аудандардан табын шегірткелерінің көші-қоны нәтижесінде осы аумақтың барлығы өңделуге тиіс болды. Шаруа қожалығының басшысы өз қаражаты есебінен 1,6 мың га, бюджет қаражаты есебінен 2,1 мың га өңдеді. Химиялық өңдеулерді жүргізу үшін авиатехника мен аэрозольді газ генераторы жұмылдырылды. 14 шілдедегі жағдай бойынша қорғаныс шаралары аяқталды. Егістерді бақылау тексерісі шаруа қожалығы басшысының қатысуымен жүргізілді. Егіс бүлінбеген", - деп хабарлады баспасөз қызметі.

Тақырып бойынша оқу: Қазақстанда шегірткенің таралу шыңы байқалады

Жангелдин ауданында табын шегірткелері бойынша мониторинг жүргізу кезінде "Қасенов Т.Г." шаруа қожалығының мақсары егістіктерінде зақымданулар байқалды. Визуалды тексеру кезінде ақбөкендердің жарақаттануынан болатын зақым анықталды. Бұл жерде тұяқ іздері, жатын орындары және қоқыс көп. Мақсары мен басқа өсімдіктердің қалдықтарында шегірткелерден зақымдану іздері табылған жоқ.