Қазақстандық астығы бар жаңа пойыз Қытайға СҚО-дан жөнелтілді
Солтүстік Қазақстан облысының Тайынша ауданындағы Октябрь станциясынан Қытайдың Сиань қаласына 1300 тонна қазақстандық бидай жөнелтілді. Жаңа маршруттық контейнерлік пойыздың ұйымдастырушысы "Кедентранссервис" АҚ мен Сиань халықаралық құрғақ портының бірлескен кәсіпорны - "Қытай-Қазақстан ауда-логистикалық компаниясы" ЖШҚ болып табылады.
"Солтүстік Қазақстан бидай және ұнтақтау өнімдерін өндіру бойынша көшбасшы, сондай-ақ еліміздегі ең ірі астық экспорттаушы болып табылады. 2022 жылдың қыркүйегінен 2023 жылдың маусымына дейін ҚХР-ға астықтың экспорттық тасымалы 4 есеге артып, 1,1 млн тоннаға жетті", - деп атап өтті "ҚТЖ" ҰК АҚ баспасөз қызметінде.
Тақырып ойынша оқу: Азық-түлік корпорациясы Қытайдың Шаньдун провинциясына 200 мың тонна астық жеткізеді
Ұлттық компанияның мәліметінше, "Қытай-Қазақстан сауда-логистикалық компаниясы" ЖШҚ-ның астықпен алғашқы контейнерлік пойызды іске қосумен белсенді қатысуы екі елдің аграрлық және сауда-көлік секторларындағы ынтымақтастықты кеңейтуге қосымша серпін береді және келешекте бірлескен кәсіпорын салған Сиань жүк терминалының қуатын пайдалануға мүмкіндік береді.
Тақырып бойынша оқу: Қытай Қазақстанда 3,5 млн тоннаға дейін бидай сатып ала алады
"Кәсіпорын сондай-ақ Қазақстанның басқа өңірлері есебінен жөнелту географиясын кеңейтуді және тасымалданатын жүктердің номенклатурасын кеңейте отырып, ҚХР-дан сұранысқа ие импортпен пойыздарды кері жүктеуді жүзеге асыруды жоспарлап отыр", - деп атап өтті компанияда.