ЕАЭО негізгі ауыл шаруашылық өнімдерімен өзін-өзі қамтамасыз етуді жоспарлап отыр

21 шілдеде Еуразиялық экономикалық комиссия (ЕЭК) Алқасы агроөнеркәсіптік кешенді дамыту, ЕАЭО мемлекеттерін ауыл шаруашылық өнімдері, тамақ өнімдері, зығыр талшықтары, тері, мақта талшығын және жүн саласын 2020-2021 жылдары дамытуға арналған болжамдарды қарастырып, бекітті. Бұл туралы ЕЭК баспасөз қызметі хабарлады.

Аталған болжам бойынша, 2021 жылы 2018 жылмен салыстырғанда ауыл шаруашылық өндірісі долларлық көрсетілімде 8,2% -ға артады. Өзара сауданың өсімі 15,8% құрайтын болады. Үшінші елдерге экспорт 11,5% -ға, импорт 12,2% -ға азаяды.

Аталған бағдарлама нәтижесінде сыртқы саудада 1,1 млрд. болып, оң сальдо қалыптасады.

Одаққа мүше елдер өз өндірістерінің арқасында астыққа, қантқа, өсімдік майларына, тауық жұмыртқаларына, шошқа етіне, қой етіне деген ішкі қажеттілікті толықтай қанағаттандырады. Одақ осылайша, құс еті үшін 2020 жылы, ал картоп үшін - 2021 жылы өзін-өзі қамтамасыз ететін болады. Сүт және көкөністер үшін бұл көрсеткіш 98% құрайды.

Өзара сауда жасалып, Қазақстанның сиыр етімен қамтамасыз етілу деңгейі 98,4% -дан 105% -ға, шошқа еті - 94,6% -дан 118% -ға, құс еті - 72,3% -дан 77,6% -ға, сүт 98% -дан 101% -ға дейін артады деген болжам айтылуда.

Алдағы уақытта  бұл құжат ЕЭК Кеңесінде және Еуразиялық үкіметаралық кеңесте қаралады.