Қазақстанның оңтүстігінде суармалы судың тарифі төмендеді
2024 жылдан бастап елдің оңтүстігіндегі фермерлерге суармалы су қызметтерінің құны төмендеді. Бұл туралы Су ресурстары және ирригация министрлігінің баспасөз қызметіне сілтеме жасай отырып, ElDala.kz хабарлайды.
«Бұл «Қазсушар» кәсіпорнының суару маусымына дайындық кезінде тұтынушылармен тікелей келісімшартқа отыруының арқасында мүмкін болды. Бұл делдалдарды жояды. Тиісінше, тұтынушылар үшін қызмет құны да арзандауда», - деп хабарлады ведомствода.
Бүгінгі таңда «Қазсушар» Қазақстанның оңтүстігінде 1740 шаруа қожалығымен су беру туралы шарттар жасасты. Қалған өңірлерде шарттар жасасу жұмыстары наурыз айында басталады.
«Су ресурстары және ирригация министрлігі биылдан бастап ауыл шаруашылығы тауарын өндірушілермен тікелей келісім-шартқа отыра бастады. Осы арқылы министрлік шаруа қожалықтарына су беру қызметінің құнын арзандатуды көздеп отыр. 2024 жылдың суару кезеңіне «Қазсушар» кәсіпорны 19 мыңнан астам тұтынушымен келісім-шарт жасасуды жоспарлап отыр. Сәуір айында барлық өңірлерде суармалы сумен қамту жұмыстары басталады», - деді су ресурстары және ирригация вице-министрі Нұрлан Жанұзақов.