Қазақстанның шығысында қатқақ болады деп болжануда

Алдағы үш күнде Қазақстанның басым бөлігінде жаңбыр жауатын салқын ауа райы сақталады. Тек батыста жауын-шашын тоқтап, ауа температурасы түнде де, күндіз де біртіндеп көтеріледі деп күтілуде. Бұл туралы Қазгидромет хабарлады.

«Кезекті циклон және онымен байланысты атмосфералық фронтальды бөлімдер Қазақстанның барлық аумағында ауа-райын қалыптастырады, өзімен бірге жаңбыр әкеледі, 28 мамырда елдің солтүстігі мен шығысында қатты жаңбыр жауады, олар түнгі уақытта қарға айналуы мүмкін», - деп хабарлады синоптиктер.

Сонымен қатар, 28 мамырда батыста, солтүстікте және орталықта, 29-30 мамырда Қазақстанның шығысында түнгі уақытта 3 градусқа дейін қатқақ күтіледі.