Шегірткеге қарсы өңдеу Қазақстан мен Ресей шекарасында күшейтіледі

Ресейдің Орынбор облысынан шегірткелердің ұшуы Ақтөбе облысының Әйтеке би ауданында 18 маусымда тіркелді. Зиянкестердің таралуын болдырмау үшін Қазақстан шекара бойында ұзындығы 104 км аумақты өңдеп үлгерді. Сондай-ақ, Ауыл шаруашылығы министрлігінің басшылығы ресейлік әріптестеріне химиялық өңдеуді күшейту туралы өтінішпен жүгінді, деп хабарлады ҚР АШМ баспасөз қызметі.  

Ауыл шаруашылығы министрі Айдарбек Сапаров химиялық өңдеу орындарына барып, Ресей Федерациясының Орынбор облысымен Қостанай және Ақтөбе облыстарының шекаралас аумағына инспекция жүргізді, сондай-ақ Орынбор облысының ауыл шаруашылығы вице-министрі Жанар Құрманбаевпен келіссөздер жүргізді.

АШМ деректері бойынша, Әйтеке би ауданында 21 маусымға жоспарланған 307 мың гектардан 71 мың гектар жер өңделді. Арнайы бүрку техникасының 33 бірлігі пайдаланылуда, шағын авиация тартылды: алты ұшақ. Жалпы облыс бойынша 784 мың га алаңда жұмыс жоспарланған, 482 мың га алаңда өңдеу аяқталды.

Жанар Құрманбаев Орынбор облысында Ресей-Қазақстан шекарасы бойында 22 мың гектар жер өңделгенін атап өтті – 10 км. 12 бірлік техника жұмыс істеді, 20 маусымнан бастап тағы 12 бірлік тартылды.

«Ресей тарапының өңдеуді күшейтуі, қосымша техниканы тартуы маңызды. Ресей Федерациясының ауыл шаруашылығы министрі Оксана Лутқа авиацияны тарту, сондай-ақ бейтарап аумақта өңдеуді ұйымдастыру туралы өтініш білдірді», - деді Айдарбек Сапаров. ​Кездесу қорытындысы бойынша шегіртке зиянкестерінің шектес мемлекеттерге көшуіне жол бермеу бойынша қол жеткізілген келісімдер туралы хаттамаға қол қойылды.

​Жалпы Қазақстан бойынша 20 маусымда Қостанай облысында 270 мың га және Ақтөбе облысында 482 мың га қоса алғанда, 1,6 млн га алаңда химиялық өңдеу жүргізілді. Аумақтарды мониторингтік тексеру жалғасуда.