Қазақстанда 46 градусқа дейін ыстық болады деп болжануда

Алдағы үш күнде Қазгидромет Қазақстанның барлық өңірлерінде қатты ыстықты болжайды.

Алдағы күндері Иран аймақтарынан Қазақстан аумағына жылы ауа массалары ене бастайды. 25-26 маусымда еліміздің батыс және солтүстік облыстарында жауын-шашын, кей жерлерде қатты жаңбыр күтілетініне қарамастан, 27 маусымда республиканың солтүстігінде де аптап ыстық болады, деп хабарлайды синоптиктер.

Болжам бойынша, Қазақстанның солтүстігінде күндізгі температура +35+38 градусқа дейін, оңтүстігінде - аптап ыстыққа +40+46 градусқа дейін көтеріледі деп күтілуде.