Жаңа ирригациялық желілерді пайдалануға беру Алматы облысындағы суару мәселелерін шешуге мүмкіндік береді

Сү тораптарын жөндеу және жаңадан суару жүйелерін салу Алматы облысындағы мәселелерді шешуге мүмкіндік береді, биыл облыс аграршылары су тапшылығына тап болған еді. Бұл туралы «Қазсушаруашылық» хабарлады.

«Ағымдағы жылы Балқаш көлінің негізгі арнасы болып саналатын Іле өзенінде су аз болғандықтан, Қапшағай қаласының халқын, Шенгенді алқабын ауыз сумен және суармалы сумен қамтамасыз ету қиын болды, сонымен қатар Балқаш аймағындағы суармалы жерлерде де осындай күрделі жағдай болды. Мәселені шешу үшін «Қазсушаруашылықтың» Алматы филиалы шаруа қожалықтарының жерлерін суару үшін ұзындығы 1,5 км болатын қосымша су құбырын салды. Нәтижесінде Шенгелді елді мекеніне суармалы суды үздіксіз жетіп тұр», - деп хабарлады компания.

Талдықорғанда ирригациялық желілердің құрылысы жүріп жатыр, аталған нысанды жыл соңына дейін пайдалануға беру жоспарланған. Мердігер - «Монолит» ЖШС.

Ислам Даму Банкінің қолдауымен Ақсу ауданындағы ирригациялық желілерді қайта құру келесі жылы аяқталады деп жоспарлануда. Мердігер - «Тамас» ЖШС. Аталған  арналардың жалпы ұзындығы 633 км құрайды. Ақсу ауданының 8 ауылдық округінде, оның ішінде Жансүгіров ауылы мен Долский каналындағы Қапал ауылдық округінде жұмыстар жүргізілуде.

«Ақсу ауданында Қызылағаш өзеніндегі су қоймасы мен магистральды каналдың жұмысы қалпына келтіріліп, толық жөндеу жұмысы жасалды. Бөгеттен Қызылағаш ауылының егістік алқаптарына су жіберіліп, ол 700 гектардан астам жердің суару мәселесін шешті. Су қоймасында қазірдің өзінде 20 миллион текше метр су жиналды», - деді «Қазсушаруашылықтың»  Алматы филиалының директоры Смайл Куметов.

Сонымен бірге Қызылағаш елді мекенінде суару желілерін салу бойынша жаңа жоба жасалды, ол шамамен 7 мың гектар жерді суармалы сумен қамтамасыз етеді. Соның арқасында Қызылағаш ауылдық округінде тағы 200 шаруа қожалығын құруға болады.

Көксу өзенінің бойындағы Көксу бөгетінде 21 мың гектар суармалы жер учаскесіндегі су бөгетіне  құрылыс-монтаждау жұмыстары жүргізілуде, өйткені  мұнда 1963 жылы пайдалануға берілгеннен бері ешқашан күрделі жөндеу болған емес. Мердігер - «Темірбетон» ЖШС. Жоба биыл аяқталады деп жоспарлануда.

Сонымен қатар, қазіргі уақытта Панфилов облысындағы  Өсек өзеніндегі гидроэнергетикалық кешенді қайта құру жұмыстары жүргізілуде. Жоба жыл соңына дейін аяқталады.

Жақында суды пайдалану бөлімінің мамандары Ұйғыр ауданына аттанды, онда басқа жерлерде сияқты, суару көзі болып табылатын Шарын өзенінде су тапшы болды. Мұнда суды тиімді пайдалану туралы шешім жасау үшін өлшеу станциялары мен суару каналдарының жай-күйін тексеру жүргізілді.

«Жалпы, биыл облыс халқын сумен уақтылы қамтамасыз ету үшін «Қазсушаруашылықтың»  филиалы аталған жерге негізгі станция орнатып, каналдарға механикалық тазартулар жүргізді, кейбір жерлерде су түбіне бетон төсеу жұмыстарын жүргізді, сонымен қатар Ұйғыр және Панфилов  аудандарындағы Ескелді, Алакөл, Қаратал, Ақсу каналдарын жөндеуден өткізді. Бұл жұмыстар аймақтағы бірнеше мың гектар алқаптарды суаруды жақсартуға мүмкіндік берді », - деп мәлімдеді «Қазсушаруашылық»

 Компания сонымен қатар қазіргі уақытта тұтынушыларға заманауи су есептегіштерін жеткізу мәселесін қарастыруда. Бастапқы кезде жаңа технологияларды сынақтан өткізу жоспарлануда, ал мұндай есептегіштерге қойылатын басты талап - олардың дербестігі және деректерді қашықтықтан бақылау болып табылады.