Қазақстан Ресейден дайын ет өнімдерінің бас сатып алушысы болды

Ресей бірінші жартыжылдықта 365,7 мың тонна ет пен ет өнімдерін экспорттады. Негізгі импорттаушы елдердің қатарына Қазақстан кірді.

Россельхознадзордың деректері бойынша Қазақстанға ең көп жеткізілім дайын ет өніміне келеді – 25,8 мың тонна. Бұл ретте осы санаттағы өнім экспортының жалпы көлемі 41,5 мың тоннаны құрады. Негізгі сатып алушылар қатарында Беларусь, Әзірбайжан және Армения да бар.

Құс еті мен қосалқы өнімдерінің экспорты жарты жылда 172,4 мың тоннаны құрады, оның ішінде Қазақстанға 18,8 мың тонна жеткізілді. Жеткізудің ең көп көлемі Қытайға – 73,7 мың тоннаға және Сауд Арабиясына – 29,7 мың тоннаға түсті.

Ресейде сүт өнімдерін жеткізу алты айда 1,2 есе өсті, 72,1 мың тоннадан 92 мың тоннаға дейін. Ең үлкен көлем Қазақстанға жөнелтілді – 48 мың тонна. Беларусь, Қырғызстан және Өзбекстанға да экспорт тұрақты.