Қазанның алғашқы күндерінде Қазақстанда жауын-шашын күтіледі

Алдағы үш тәулікте Қазақстан аумағында ауа райы құбылмалы болады. Көптеген аймақтарда жауын-шашын күтіледі. Бұл туралы Қазгидрометтің синоптиктері хабарлады.

"Солтүстік-батыс антициклоны республиканың батысы мен солтүстік-батысында құрғақ және шуақты ауа-райын қамтамасыз етеді. Елдің қалған аумағында атмосфералық фронттардың өтуімен жауын-шашын болады", - делінген ауа райы болжамында.

Оңтүстік-шығыстың таулы аймақтарында жаңбыр мен қар түрінде қатты жауын-шашын, желдің күшеюі, түнде және таңертең тұман күтіледі.

Температуралық фонда күрт өзгерістер күтілмейді.