Батыс Қазақстан фермерлерін 20 млн теңгеден астам субсидия қайтаруға міндеттеді
Батыс Қазақстан облысының Шыңғырлау ауданында ауыл шаруашылығын субсидиялауға бөлінген 20 млн теңгеден астам қаражатты мақсатсыз пайдалану анықталды. Фермерлерге қаражатты бюджетке қайтаруға міндеттелді, деп хабарлады облыс прокуратурасының баспасөз қызметі.
Қазіргі уақытта прокуратураның ұсынысы бойынша мемлекетке 14,7 млн теңге қайтарылды, қалған сома атқарушылық іс жүргізу тәртібімен өндіріліп алынады.
«Мысалы, 2021 жылғы 25 желтоқсанда фермерлік 442 асыл тұқымды қой сатып алуға өтінім беріп, жалпы сомасы 6 млн 630 мың теңгеге субсидия алды. Талдау барысында аталған малдың бір жыл ішінде ауыл шаруашылығы жануарларын сәйкестендіру дерекқорынан шығарылғаны анықталды», - деп хабарлады прокуратурада.
Асыл тұқымды мал шаруашылығын дамытуды субсидиялау қағидаларына сәйкес, субсидия алған шаруашылықтар шығудың зоотехникалық нормасын қоспағанда, мәлімделген аналық басының жыл бойы сақталуын қамтамасыз етуге тиіс.
Заңнаманы бұзудың анықталған фактілері бойынша уәкілетті органның атына тиісті қадағалау актісі енгізілді.