Астық егетін өңірлерде жерді жалға беру лимиттерін арттыру жоспарлануда
Қазақстанның үкіметі аграрийлер мен депутаттардың ауыл шаруашылығы жерлерін бір шаруашылыққа жалға беру лимиттерін ұлғайту туралы ұсыныстарын қолдады. Қазіргі уақытта шекті өлшемдер елдің солтүстік және шығыс аймақтарында қайта қаралуда. Бұл туралы Мәжіліс депутаттарының сауалына жауап берген ҚР премьер-министрі Олжас Бекенов мәлім етті.
«Ауыл шаруашылығы жерлерін пайдаланудың тиімділігін арттыру, ауылдық аумақтарды дамыту және өнімді аграрлық кәсіпорындар санын ұлғайту мақсатында бөлінетін ауыл шаруашылығы жерлерінің барынша көп мөлшерін ұлғайту, жерді пайдалану құқықтарын сақтау және адал жер иелері үшін басқа да қолдау шаралары мәселелері пысықталуда», - деп Үкімет басшысы хабарлады.
Осы мәселені қарау үшін Ауыл шаруашылығы министрлігі жанынан әкімдіктер, прокуратура, сот әкімшілігі, сыбайлас жемқорлыққа қарсы іс-қимыл жөніндегі органдары және «Атамекен» ҰКП өкілдерінің қатысуымен жұмыс тобы құрылды. Жергілікті билік бөлінетін учаскелердің максималды көлемін ұлғайту бойынша негіздемелер мен есептеулермен ұсыныстар дайындайды.
Қазіргі уақытта жер учаскелерінің ең жоғары мөлшерін ұлғайту бойынша есептерді Абай, Ақмола, Шығыс Қазақстан, Қостанай, Павлодар, Солтүстік Қазақстан облыстарының әкімдіктері енгізді. Қалған облыстардың әкімдіктері қолданыстағы максималды өлшемдерді сақтауды ұсынады.
«Осы ұсыныстарды қарау және келісу қорытындылары бойынша Үкіметтің тиісті қаулысына өзгерістер енгізу жоспарлануда (2023 жылғы 25 қаңтардағы № 42 ең жоғары мөлшерлерді бекіту туралы). Осылайша, аталған шаралар аграрлық сектордың инвестициялық тартымдылығын арттыруға, нарық субъектілерінің әлеуметтік жауапкершілігін сақтай отырып, жерді тиімді және ұтымды пайдалануды қамтамасыз етуге бағытталған», - деп атап өтті Олжас Бектенов.
Бұған дейін Мәжіліс депутаты Нұржан Әшімбетов ірі агроқұрылымдар жалдау аумағы бойынша шектеулерге байланысты жердің бір бөлігінен айырылу қаупі бар екенін айтқан болатын. Атап айтқанда, әкімдіктер шекті мөлшерден асып кету негізінде ауыл шаруашылығы жерлерін жалға беруді ұзартудан бас тарта бастады. Сондай-ақ суаруға жаңа жерлер енгізуден бас тарту жағдайлары бар.