Қазақстанның синоптиктері қазан айына арналған ауа райы болжамын жариялады

Салқындаудан басталған қазан бірінші және екінші онкүндіктің ортасында жылы күндермен қуантады, бірақ айдың аяғында қыстың жақындағанын тағы да еске салады. Бір ай ішінде тұрақсыз ауа-райы, тұман, көктайғақ, екпінді жел болжанады, айдың екінші жартысында елдің солтүстігінде төмен қарлы боран болуы мүмкін. Бұл туралы Қазгидрометте хабарлады.

«Қазан айының басында Қазақстанның басым бөлігінде ауа температурасы түнде 1-6 градус аяз, күндіз 2-9 градус жылы болады. Бірақ бірінші онкүндіктің ортасында Орталық Азия мен Жерорта теңізінің шығыс жағалауынан жылы ауа массаларының шығарылуымен түнгі және күндізгі температура көтеріледі деп күтілуде», - деп синоптиктер хабарлады.

Ауа температурасы:

• елдің батысында түнде +7+12°С дейін, күндіз +17 +25°С дейін;
• елдің солтүстігі мен шығысында түнде +2+8°С дейін, күндіз +10 +18°С дейін;
• республиканың орталығында түнде +2+7°С дейін, күндіз +15+23°С дейін;
• оңтүстікте, оңтүстік-шығыста түнде +5 +12°С дейін, күндіз +20 +28°С дейін.

Онкүндіктің соңында Қазақстанның солтүстік-батыс жартысында ауа температурасының шамалы төмендеуі күтілуде. Елдің оңтүстік жартысы мен шығысында бұл суықтың толқыны екінші онкүндіктің басында болады.

Екінші онкүндікте республиканың басым бөлігінде қайта жылыну күтіледі, күндіз ауа температурасы +13+18°C, оңтүстік пен оңтүстік-шығыста +22+27°C-қа жетеді.

Үшінші онкүндікте ауа температурасының төмендеуі күтілуде. Кей күндері түнде ауа температурасы -1-ден -6°С-қа дейін төмендейді, Қазақстанның солтүстік, орталық және шығыс облыстарында ауа температурасы -7-ден -12°С-қа дейін, күндізгі температура 0-ден +8°С-қа дейін жетеді деп күтілуде. Республиканың оңтүстік жартысында ауа температурасы түнде -1-6°С-тан +3+8°С-қа дейін, күндіз +5+13°С-тан +13+20°С-қа дейін болады деп күтілуде.