Қазақстан синоптиктері көктемге ауа райы болжамын ұсынды

Қазақстанда көктем негізінен жылы болады деп күтілуде. Наурыз, сәуір және мамыр айларында елдің көп бөлігіндегі орташа ауа температурасы нормадан 1°жоғары болады. Наурыз, сәуір айларында кейбір аймақтарда жауын-шашын климаттық нормадан асып кетуі мүмкін, ал мамырда жекелеген аймақтарда нормадан аз болады деп күтілуде. Бұл туралы Қазгидрометтің 2026 жылғы наурыз-мамыр айларына арналған болжамында айтылған.

Көптеген өңірлерде көктемнің бірінші айында жауын-шашын мөлшері нормадан көп болады, нормаға жуық – Ақтөбе, Ұлытау, Маңғыстау, Қостанай, Ақмола, Қарағанды, Қызылорда облыстарында, Батыс Қазақстан, Атырау облыстарының шығысында және Түркістан, Жамбыл облыстарының солтүстігінде.

Сәуір айында Батыс Қазақстан, Атырау, Маңғыстау облыстарында, Ақтөбе облысының батыс жартысында, Алматы облысының оңтүстік-шығыс жартысында, Жетісу облысында, Шығыс Қазақстан облысында, Түркістан, Жамбыл облыстарының оңтүстігінде, Абай облысының оңтүстік-шығысында жауын-шашын нормадан көп болады деп күтілуде.

Мамыр айында жауын-шашын нормадан төмен болжанатын Қостанай, Солтүстік Қазақстан, Ақмола, Ақтөбе, Ұлытау, Павлодар, Батыс Қазақстан, Атырау, Қызылорда және Қарағанды облыстарын қоспағанда, нормаға жақын болады деп күтілуде.