Пора прекратить субсидировать экспорт молочного сырья ― Кожевников

Экспортқа шығарылатын сүт шикізатын субсидиялау тәжірибесін тоқтататын кез келді, деген ұсыныс айтты — Қазақстан Сүт одағының атқарушы директоры Владимир Кожевников. Бұл туралы Inbusiness.kz хабарлап жазды.

Владимир Кожевниковтың айтуынша, қазақстандық өндірушілер сүт өнімдеріне деген сұраныстың 80%-ымен қамтамасыз етіп отыр. Жетіспейтін мөлшердегі сүт өнімдері импортпен  келеді.

«Республика кейбір қайта өңделетін сүт өнімдерінің түрлеріне: сүт ұнтағы, ірімшік, йогурт және балмұздақтың импортына тәуелді болып отыр. Сондықтан, жалпы алғанда, Қазақстан жыл сайын шикі сүт мөлшері бойынша 450 мың тонна сүт өнімдерін импорттайды. Негізгі себеп шикі сүттің жетіспеуі, әсіресе күзгі-қысқы маусымда коэффициент 1/10 –ға жетеді, яғни 10 есеге төмендеп, сүт жеткіліксіз болады. Осы себепке байланысты  жергілікті сүт өңдеу зауыттары қыс мезгілінде өндірісті тоқтатуға мәжбүр болады», — деді Владимир Кожевников.

Қазақстанның сүт одағы республикадан сүт шикізатының бір бөлігін Ресейге сату үрдісінің пайда болуына алаңдаушылық танытып отыр. Сондай-ақ, ірі қазақстандық тауар өндірушілердің жоғары сапалы сүті экспортталады.

 «Мен мұндай тәжірибе тек мемлекет мүддесі үшін ғана керек деп ойлаймын, бұл жағдай мемлекеттің отандық өндірушілерді қолдау жөніндегі іс-шаралар тұжырымдамасына қайшы деп санаймын. Ірі сүт кешендерінде өндіріліп, Ресейлік зауыттарға жіберілетін сүт республикалық бюджеттен субсидияланады. Сүттің әр литрінде 35 теңге субсидия бар, ол қазақстандық бюджетті толтыруға жұмсалмайды», — деп түсіндірді Сүт одағының атқарушы директоры.

МСК республикадан тыс жерлерге шикізат түрінде экспортталатын сүтті субсидиялауға тыйым салатын заңнамалық ереже ұсынуды және түсетін пайданы отандық тауар өндірушілер арасында қайта бөлуді ұсынады.