Шекарадан қауіпті азық- түлікті өткізбес үшін ветеринарлық бақылау күшейтілді

ҚР Ауыл шаруашылығы министрлігінің мемлекеттік инспекторлары қауіпті азық-түлікті кіргізбес үшін республиканың шекарасында күшейтілген режимде жұмыс істеуде, деп хабарлады ведомствоның баспасөз қызметі.

Хабарламада айтылғандай, қазіргі уақытта  ҚР-да 63 ветеринариялық-бақылау бекеті жұмыс істеуде.

ЕАЭО аумағында тауарларды өткізу кезінде ветеринарлық бақылауды күшейту үшін РФ және Қырғыз Республикасы шекарасының бойымен 32 қосымша ветеринарлық бақылау бекеттері қойылды.

Аталған іс -шаралар  Қырғызстанда жануарлар  ауруларының шығуымен байланысты жасалды. Сонымен қатар,   Ресеймен шекарада алдын ала хабарлау пункттерін (АХП) құруға байланысты болды.

2020 жылдың басынан бері 32 қосымша ДКБ-ға 19,5 мың тонна тауар, 1 млн.жуық мал мен құс, 32,3 млн. тауық жұмыртқасы тексерілді. Нәтижесінде инспекторлар 93 автокөлікті  қайтарып, жалпы сомасы 835,07 мың теңгеге айыппұл салды.

Анықтама: 2019 жылы ВКП мәліметтері бойынша 755 мың тонна жүк тексеруден өтті, оның ішінде 6,8 мың автокөлік, 623,5 мың бас мал мен құс, 70,7 млн жұмыртқа қаралып, 213 жүк көлігі қайтарылды, 1 млн теңгеден астам айыппұл салынды.

Бұл бекеттерден басқа, Қазақстанда Өзбекстан мен ҚХР-мен Мемлекеттік шекарасының бойында 31 сыртқы бекет орнатылған.

Бұл ақпаратқа дейін, Қазақстан Республикасы Ауыл шаруашылығы министрлігі мен Россельхознадзордың бірлескен жұмысының нәтижесі бойынша Қазақстан-Ресей шекарасында фитосанитарлық бақылау күшейтілетіндігі хабарланған болатын.