Жамбыл облысының аграршыларына көктемгі егіс жұмыстарына 1,7 мың тонна жанар май жіберілді

Жамбыл облысына  операторлар 3 мың тонна (84%) жанар май жеткізді, оның  1,75 мың тоннасы фермерлерге берілді, деп хабарлады Ауыл шаруашылық министрлігі.

Үкімет Жамбыл облысының аграршыларына көктемгі егіс жұмыстарына жалпы 18,3 мың тонна арзандатылған жанар май бөлді.

Тақырыпты оқу: Қазақстандағы егін егу жұмыстарының хроникасы (жаңартылады)

Аталған өңірдегі егін егу жұмыстарын қаржыландыру үшін  «Аграрлық несие корпорациясы» 800 млн теңге берді. Қазіргі уақытқа дейін 39 фермер 250 млн теңге көлемінде несие алуға  өтінім берген. Оның ішінде 25 АШ тауар өндірушілер 170,42 млн теңге қаражатты алды.

Ағымдағы жылы Жамбыл облысында 710 мың гектар алқапқа егін себіледі, бұл көрсеткіш былтырғы жылға қарағанда 23 мың гектарға (3,3%) көп болып есептеледі. Дәнді және дәнді-бұршақты дақылдардың егіс көлемі 367 мың га болады, майлы дақылдар — 64,2 мың га, қант қызылшасы — 5,5 мың га, картоп — 10,5 мың га, көкөніс — бақша дақылдары — 51,5 мың га және жем-шөп дақылдары-211,3 мың гектарға отырғызу жоспарланған.