АШМ жаңа платформасында инвестсубсидиялау 1 тамызда іске қосылады

1 шілдеден бастап Қазақстан ауыл шаруашылығы министрлігі Qoldau жүйесін алмастыратын және фермерлер үшін тегін болатын АӨК субсидиялаудың мемлекеттік ақпараттық жүйесін іске қосады. Инвестициялық субсидиялар бойынша функционал 1 тамызда қосылады. Бұл туралы  ElDala.kz Ақмола облысының Ауыл шаруашылығы және жер қатынастары басқармасына сілтеме жасай отырып хабарлайды.

"gosagro.kz. субсидиялаудың бірыңғай мемлекеттік ақпараттық жүйесі әзірленді ҚР Ауыл шаруашылығы министрлігі осы платформаны ағымдағы жылдың 1 тамызына жоспарланған инвестициялық салымдар кезінде агроөнеркәсіптік кешен субъектісі шеккен шығыстардың бір бөлігін өтеу бойынша субсидиялау бағдарламасынан басқа, ағымдағы жылдың 1 шілдесінен бастап ауыл шаруашылығы саласын субсидиялаудың барлық бағдарламалары бойынша іске қосуды жоспарлап отыр", - деп хабарлады басқармадан.

Барлық туындаған сұрақтар бойынша 1475 нөмірі бойынша колл-орталыққа және gosagro@minagri.gov.kz электрондық поштасына хабарласуға болады gosagro@minagri.gov.kz.

Естеріңізге сала кетейік, жүйе Ақмола облысында пилоттық режимде сынақтан өткен болатын.

Бұған дейін Ауыл шаруашылығы министрлігі субсидиялаудың жаңа жүйесінде автоматты режимде субсидия алушылар тізілімін қалыптастыру, олардың ЭҚЖЖ бойынша ауыл шаруашылығы өндірушілері санатына сәйкестігін тексеру көзделгенін хабарлаған болатын. Сондай-ақ, жаңа жүйеде субсидиялар алу кезектілігі және қанағаттандырылмаған өтінімдерді күту парағы жүргізілетін болады.

Qoldau-дан айырмашылығы, жаңа жүйе ақысыз болады және барлық негізгі мемлекеттік дерекқорлармен біріктіріледі.