Қазақстанда майлы тұқымдар қоры 2,5 млн тоннаға бағаланды

2023 жылғы 1 қаңтардағы жағдай бойынша Қазақстанда майлы дақылдар тұқымының қоры 2 млн 526 мың 669,2 тоннаны құрайды. Оның ішінде азық-түлік мақсатына 2,3 млн тонна, тұқымға – 97,4 мың тонна және жемшөпке -94,1 мың тонна сақталады. Бұл туралы Ұлттық статистика бюросы хабарлады.

Ең үлкен көлем дәстүрлі түрде күнбағыс тұқымына тиесілі - 1 млн 141 мың 789 тонна (1,1 млн – азық-түлік, 25,6 мың-тұқым және 15,8 мың тонна - жем).

Статистика органдары зығыр тұқымдарының қорын 785 мың 637,6 тоннаға (азық – түлік – 710,8 мың тонна, тұқым – 45,7 мың, жемшөп - 29 мың) бағалады

Сонымен қатар, қоймаларда 271 мың тонна мақсары тұқымы, 235 мың тонна күнжара, 69 мың тонна соя бұршағы және басқа да дақылдар жиналды.

Шаруа қожалықтары мен жеке кәсіпкерлердің қоры 530,4 мың тоннаға, ал агроөнеркәсіп 30,7 мың тоннаға бағаланады. Тағы 395,5 мың тонна майлы тұқымдар май және іш май өндірушілерде, 46,7 мың тонна – көтерме саудагерлерде және 1,5 млн тонна – басқа заңды тұлғаларда сақталады.

Естеріңізге сала кетейік, Қазақстанда ағымдағы жылдың басында отандық май зауыттарын жүктеу үшін күнбағыс тұқымын экспорттауға шектеулер енгізу жоспарлануда. Бірінші кезеңде жүк құнының 20% мөлшерінде, бірақ 100 еуро/тоннадан кем емес экспорттық баж салу жоспарлануда. Содан кейін экспорттық квота қолданылады: баж белгіленген көлемнен тыс жеткізілімдерге салынады.