Ауыл шаруашылығы министрлігі күнбағыс тұқымын экспорттауға рұқсат беру ережелерін әзірледі

ҚР Ауыл шаруашылығы министрлігі «Қазақстан Республикасының аумағынан күнбағыс тұқымын әкету туралы қорытынды (рұқсат беру құжаты) беру ережесін бекіту туралы» бұйрық шығарды.

Күнбағыс тұқымын Қазақстаннан әкетуге берілетін рұқсат құжатты алу үшін уәкілетті органға белгіленген нысандағы өтініш жазу, өтініш берушінің жеке басын және өкілеттігін растайтын құжаттар, заңды тұлғаны, жеке кәсіпкерді тіркеу (қайта тіркеу) туралы ақпарат немесе қызметін бастағаны туралы хабарлама жіберу қажет.

Өтінім фитосанитариялық сертификат жазылатын жерде беріледі.

Рұқсат өтініш келіп түскен күннен бастап екі күнтізбелік күн ішінде беріледі.

Сонымен бірге, Мемлекеттік инспекция комитетінің  АОК-тің аумақтық бөлімшелері Қазақстан Республикасынан күнбағыс тұқымын әкетуге рұқсат құжаты бар өтініш иелеріне ғана фитосанитариялық сертификат береді.

Берілген қорытындылар (рұқсаттар) туралы жиынтық ақпарат Қазақстан Республикасы Ауыл шаруашылығы министрлігінің интернет-ресурсында жарияланады.

Айта кетейік, жаңа Ереже Еуразиялық экономикалық комиссия Алқасының 2020 жылғы 16 маусымдағы шешіміне сәйкес дайындалған. Жауапты Алқа 31 тамызға дейін Еуразиялық экономикалық одақ аумағынан күнбағыс тұқымын әкетудің арнайы режимін орнатты.