Қазақстан алты айда күнбағыс майының экспортын 30% - ға арттырды

Қазақстаннан күнбағыс майының экспорты 2022 жылы 1,7 есе өсіп, 230 мың тоннаны құрады. Ағымдағы жылдың бірінші жартыжылдығында шетелге жеткізу тағы 30% - ға, 146,1 мың тоннаға дейін өсті. Бұл туралы Ауыл шаруашылығы министрлігінің баспасөз қызметі хабарлады.

Ведомствоның мәліметінше, Қазақстанның отандық өндіріс есебінен күнбағыс майымен қамтамасыз етілуі өткен жылдың қорытындысы бойынша 131% - ға жетті. Елімізде 537 мың тоннадан астам май шығарған 54 кәсіпорын жұмыс істейді. Алғашқы алты айда 253 мың тонна өндірілді.

Өткен жылы күнбағыс майының импорты 100 мың тоннадан аспады, ағымдағы жылдың алты айында - 38,7 мың тонна.

Ауыл шаруашылығы министрлігі жыл сайын күнбағыс егіс алқаптары ұлғайып келетінін атап өтті. 2022 жылы ҚР-да 1,09 млн га, биыл - 66,7 мың га артық егілді. Өткен жылдың қорытындысы бойынша 164 мың тоннаға өсіммен 1,3 млн тонна күнбағыс жиналды.

Статистика деректеріне сәйкес, маусым айында наурызбен салыстырғанда тазартылмаған майдың сату бағасының тоннасына 422,5 мың теңгеге дейін (наурызда – 513,4 мың теңге), тазартылғанға тоннасына 631,6 мың теңгеге дейін (наурызда – 701,4 мың теңге) төмендеуі байқалады.    

Бұған дейін ауа-райының қолайсыздығына байланысты ағымдағы жылы күнбағыс дақылдары былтырғы деңгейден төмен болады деп хабарланған болатын. Майлы дақылдарды қайта өңдеушілердің Ұлттық қауымдастығының бағалауы бойынша, жаңа маусымда Қазақстан май зауыттары шикізат тапшылығы жағдайында жұмыс істеуге мәжбүр болады.