Бейжіңдегі ірі сауда базарынан COVID-19 індеті тарала бастады

Бейжіңде коронавирустық инфекция жеміс-жидек, көкөніс және ет сататын «Синьфади» сауда орнының қызметкерлері арасында тіркелді, сондай-ақ COVID-19 ауруы базар маңында тұратын адамдарда да анықталды. Бұл туралы «Синьхуа» хабарлайды.

«Синьфади» сенбі күні дезинфекция  жасау үшін жабылды. Аталған орынның бүкіл қызметкері сынақтан өтіп жатыр. Бұл туралы Нарықты реттеу бюросы мен Фэнтай ауданы денсаулық сақтау комитетінің бірлескен мәлімдемесінде айтылды.

Бейсенбі және жұма күндері COVID-19 дерті анықталған  үш тіркелген, ал жексенбі күндері  бұқаралық ақпарат құралдарының мәліметтері бойынша 36-дан 59-ға дейін жеткен.

«Синьфадидің» жалпы ауданы 112 гектар жерді алып жатқандығы, 1500-ге жуық басқарушы қызметкерлер және 4000-нан астам жалға алушы адамдар бар екендігі айтылған.

ҚХР Мемлекеттік Кеңесі вице-премьері Сун Чуньлань  Бейжіңде инфекцияның таралуын болдырмау үшін батыл шаралар қабылдауға шақырып, базарды және оның маңындағы орындарды «қатаң  тұрғыда зерттеуді», сондай-ақ «аурудың таралу ошағын анықтауды» талап етті.

Сун Чуньлан Бейжіңнің барлық аудандармен адамдары арасында коронавирус сынақтарын өткізу  шараларын жасаудың қажеттілігін атап өтті.

Бүгін Бейжіңдегі ауруларды бақылау және алдын-алу орталығының маманы Ян Пэн «Синьфади» базарындағы вирустың таралу  көзін анықтау үшін әлі де зерттеулер жүргізіліп жатқанын айтты, деп жазады «Жэньминь жибао».

«Геномды анықтау жұмыстарының мәліметтері бойынша вирус импортпен Еуропадан келген тәрізді. Алайда, инфекция теңіз немесе ет өнімдері арқылы, болмаса базарға келген адамдар арқылы қалай жұққандығы әлі анықталған жоқ », - деді Ян Пэн.

БАҚ-тың хабарлауынша, тексеру кезінде вирус импортталып әкелінген бұғы еті кесілген тақтайдан табылғандығы анықталған.