Ресей ЕАЭО-ға еуропалық гербицидтердің импортын шектеуді ұсынады

Ресей Федерациясы Еуразиялық экономикалық комиссияға (ЕЭК) Еуропадан гербицидтерді әкелуге демпингке қарсы баж салығын сақтауды ұсынды. Бұған 2023 жылғы 22 ақпанда аяқталған тауарлардың осы түріне қатысты демпингке қарсы қайта тергеу негіз болды.

Қазақстанда егер ЕЭК Ресейдің ұсынысын қолдаса, онда мұндай шешім өсімдіктерді қорғау құралдарының бағасына әсер етеді деп сенеді. Еуропалық гербицидтерді ЕАЭО елдерінің аумағына әкелу кезінде өнімге өндірушіге байланысты кедендік құнның 27% - дан 52% - на дейін мөлшерінде демпингке қарсы баж салынатын болады. Бұдан басқа, тауарға кедендік импорттық баж салынады.

Осыған байланысты Қазақстанның бизнесі шектеу шараларына қарсы. Әлемдік өндірушілердің, соның ішінде Еуропаның гербицидтері жоғары тиімділікті көрсете отырып, ҚР-да кеңінен қолданылуда. Сонымен қатар, соңғы жылдары өсімдіктерді қорғау құралдары қазірдің өзінде бірнеше есе қымбаттады, бұл нәтижесінде ауылшаруашылық өнімдерін өндірудің өзіндік құнына әсер етті. Демпингке қарсы баждарды қолдану ауыл шаруашылығы өнімдеріне, демек, азық-түлік тауарларына бағаның одан да үлкен өсуіне әкеледі.

Сонымен қатар, егер гербицидтерді өндірушілер басқа елдерге қайта бағдарланса, онда Қазақстан нарығында осы өнім тапшылығының туындауын жоққа шығармайды. Ал, бұл елдің карантиндік әл-ауқаты мен азық-түлік қауіпсіздігіне тікелей қауіп.