ЕАЭО-да ауыл шаруашылығы өнімдерінің экспорты үшін перспективалы нарықтар анықталды

"ЕАЭО-ға мүше мемлекеттердің ауыл шаруашылығы өнімі мен азық-түлігінің экспорттық әлеуетін арттыру туралы" ұсынымды Еуразиялық экономикалық комиссия (ЕЭК) Алқасының отырысында қабылдады. Онда одақ елдерінің ауыл шаруашылығы өнімдері мен азық-түлік экспорты үшін перспективалы тауарлар мен нарықтар айқындалған. Бұл туралы ЕЭК-те хабарлады.

Тауашалар ретінде негізгі сауда серіктестері, соның ішінде ЕАЭО еркін сауда аймақтары: Парсы шығанағы, Оңтүстік-Шығыс Азия елдері және басқалары шеңберінде ынтымақтастықты дамытатын немесе дамытуды жоспарлап отырғандар таңдалды. ЕЭК Алқасының ұсынымында барлығы 55 мемлекет белгіленген.

Ең перспективалы бағыттар анықталды:

• ет және ет өнімдерін жеткізу үшін - Вьетнам, Катар, Қытай, БАӘ, Өзбекстан;
• балықтар мен шаян тәрізділер - Египет, Қытай, Тайланд;
• сүт өнімдері - Вьетнам, Египет, Израиль, Қытай, Оман, Сауд Арабиясы;
• дәнді дақылдар - Қытай, Иордания, БАӘ, Марокко, Тунис, Түркия және басқалар;
• майлар мен өсімдік майлары – Египет, Үндістан, Иран, Сауд Арабиясы, Тунис және басқалар.

Қаралған 55 елдің іріктелген тауар позициялары бойынша жиынтық импорт $322,2 млрд-қа бағаланады, бұл ретте ЕАЭО мемлекеттерінің осындай үшінші елдердің нарықтарына жеткізілімдерінің үлесі небәрі 5,3%-($17,1 млрд) құрайды, бұл мүше мемлекеттердің экспортын ұлғайтудың елеулі әлеуетін көрсетеді.

Тақырып бойынша оқу: Қазақстан Иранмен мал шаруашылығы өнімдерін экспорттау туралы келісуде

"Ауыл шаруашылығы өнімдерінің жекелеген түрлері бойынша біздің одақ мемлекеттері әлемдік нарықта көшбасшы орынға ие және ауыл шаруашылығы тауарларын жеткізуді ұлғайту және әртараптандыру, сондай-ақ үшінші елдердің нарықтарында ауыл шаруашылығы өнімдері мен азық-түлік өндірушілерінің бәсекелестік позицияларын нығайту бөлігінде айтарлықтай экспорттық әлеуетке ие. Мәселен, соңғы бес жылда ауыл шаруашылығы экспорты екі еседен астам ұлғайып, 2022 жылы $40 млрд – тан асты. Қабылданған ұсыныс ЕАЭО мемлекеттеріне өз экспортының мүмкіндіктері мен перспективаларын бағалау мақсатында шет елдердің ауыл шаруашылығы өнімі мен азық-түлікке деген қажеттіліктері туралы ақпаратты пайдалануға мүмкіндік береді", - деп хабарлады ЕЭК өнеркәсіп және агроөнеркәсіптік кешен министрі Артак Камалян.