Словакияда аусыл ауруы тіркелді

Словакия 2025 жылдың басынан бері аусыл ауруының ошақтарын тіркеген Еуроодақтағы үшінші ел болды. Бұл ауру бұрын Германия мен Венгрияда анықталған.

Словакия үкіметінің хабарлауынша, аусыл елдің оңтүстігіндегі үш муниципалитеттегі мал фермаларында расталған. 21 наурыздан бастап Дунайска-Стреда аймағында төтенше жағдай жарияланды.

Елде мал тасымалдауға, сондай-ақ жәрмеңкелер мен көрмелер өткізуге тыйым салынды. Үкімет сонымен қатар ірі қара, ұсақ мал, шошқа және басқа да тұяқтылардың импорты мен экспортына тыйым салды. Комарно және Дунайска-Стреда аудандарын қоспағанда, жануарлардың транзитіне рұқсат етіледі.