Қазақстандық кәмпиттер мен макарондар Израильде сатылады
Израильдік супермаркеттерге алматылық "Рахат" кондитерлік фабрикасының өнімдері келіп түсті. Сондай-ақ, Қазақстаннан басқа өнімдерді жеткізу жоспарлануда. Бұл туралы ҚР Сыртқы істер министрлігінде хабарлады.
Keshet Teamim супермаркетіндегі презентацияда израильдік Better Choice дистрибьюторлық компаниясының директоры Михаил Голдштейн қазақстандық тауарларды Израильге дейін жеткізудің толық логистикалық циклі шамамен 30 күнді құрайтынын хабарлады. Компания импортталатын тауарлар желісін кеңейтуге және жақын арада ірі израильдік супермаркеттердің сөрелеріне макарон өнімдері мен алкогольсіз сусындарды жеткізуді ұйымдастыруға ниетті.
Михаил Голдштейн Қазақстанның Тель-Авивтегі Елшілігіне зертханалық процедуралар үшін қазақстандық тауарлардың үлгілерін алуға, сондай-ақ қазақ өндірушілерімен келісімшарттарға қол қоюға жәрдем көрсеткені үшін ризашылығын білдірді.
Тақырып бойынша оқу: Қазақстан Иранға 1 млн тонна астық жеткізеді
Өз кезегінде Қазақстанның Израильдегі елшісі Сатыбалды Бұршақов қазақстандық кәмпиттердің елден тыс жерлерде бұрыннан кеңінен танымал болғанын атап өтті. Дәстүр бойынша "Рахат" кәмпиттері көп жылдан бері қазақстандық дастарханның сәнін келтіріп келеді және өзіндік ұлттық сувенир болып табылады.