ЕАЭО жарма, ұн және сарымсақ экспортына салынған тыйымды алып тастады

30 маусымнан бастап Еуразиялық экономикалық одақ (ЕАЭО) елдерінен азық-түлік тауарларының жекелеген түрлерін әкетуге уақытша салынған тыйымды алып тастады. Бұл туралы ТАСС хабарлап жазады.

30 маусымнан бастап пияз, сарымсақ, шалқан, қара бидай, күріш, қарақұмық, тары, жарма,  ұн мен жарма дәндерін экспорттауға тыйым алынып тасталды.

Бұған дейін, Еуразиялық экономикалық комиссия (ЕЭК) алқасы COVID-19 жағдайына байланысты 30 маусымға дейін ЕАЭО елдерінен азық-түлік тауарларының кейбір түрлерін әкетуге тыйым салу туралы шешім қабылдаған болатын. Аталған тыйым 12 сәуірде күшіне енген.

Сонымен бірге, ЕЭК алқасы 31 тамызға дейін күнбағыс тұқымын  Еуразиялық экономикалық одақ аумағынан әкетудің арнайы режимін орнатқан болатын.