Жылыжайларды субсидиялау ережелеріне өзгерістер енгізілді

Жабық топырақ көкөністерін өндірудің рентабельділігін арттыру үшін АШМ бұған дейін Басым дақылдар шеңберінде өсімдік шаруашылығын субсидиялау қағидаларына өзгерістер енгізген болатын. Түзетулер маусымаралық кезеңде субсидиялар нормалары бойынша 1 гектарға шығыстарды (электр энергиясына, газға, көмірге) субсидиялауды көздейді. Бұдан басқа, 10 желтоқсаннан бастап инвестициялық субсидиялар шеңберінде жылыжай кешендерін салу және кеңейту жөніндегі жобаларды іске асыру кезінде үлесті 25%-дан 30%-ға дейін ұлғайту бөлігінде өзгерістер күшіне енеді. Бұл туралы Ауыл шаруашылығы министрлігі хабарлады.

АШМ түсіндіргендей, басым дақылдардың тізбесін және субсидиялау нормативтерін жергілікті атқарушы органдар бекітуі тиіс. Бүгінгі таңда Түркістан облысы мен Шымкент әкімдіктері өнеркәсіптік және фермерлік жылыжайлар үшін ағымдағы жылға арналған субсидиялардың көлемі мен нормативтерін бекітті. Қабылданған нормативтер субсидиялаудың бірыңғай мемлекеттік ақпараттық жүйесінің (СБМАЖ) базасына енгізілді. Өтінімдерді қабылдау 2023 жылдың 20 желтоқсанына дейін ашық.

«Бюджет қаражатын тиімді жұмсау және барлық агротехнологиялар сақталатын жылыжайларды қолдау үшін өндіріс технологияларына сәйкестік сертификатының (есебінің) болуы міндетті талап болып табылады. Ұлттық стандартты ҚР СИМ Техникалық реттеу және метрология комитеті АШМ және бизнес өкілдерімен бірлесіп әзірледі. Ол 2023 жылдың 1 мамырынан бастап күшіне енді»,- деп атап өтті АШМ.

Тақырып бойынша оқу: Қазақстанда жылыжайлардың жартысы банкротқа ұшырады - Қожаназаров

1 желтоқсандағы жағдай бойынша агробизнестен 756 өтінім қабылданып, фермерлік жылыжайлар үшін 726 сертификат берілді. Жұмыста 30 өтінім бар.

Сертификат алудың барлық мәселелері бойынша ҚР СИМ Техникалық реттеу және метрология комитетіне хабарласуға болады.