АШМ ауыл шаруашылығы техникасы лизингінің жаңа ережелерін ұсынды

Қазақстанның Ауыл шаруашылығы министрлігі «Ашық НҚА»-да АӨК субъектілеріне несие беру, сондай-ақ ауыл шаруашылығы жануарларын, техникасы мен технологиялық жабдықтарын сатып алуға лизинг кезінде сыйақы мөлшерлемелерін субсидиялау қағидаларына түзетулер жобасын жариялады. Құжат фермерлер лизингке отандық және шетелдік өндіріс техникасын сатып ала алатын мөлшерлемелерді саралайды.

Жаңа ережелер қабылданғаннан кейін өндірушілер 6% мөлшерлеме бойынша:

• ауыл шаруашылығы техникасы мен машиналарын, оның ішінде отандық өндірістің аспалы және тіркемелі жабдықтарын;
• өндірушілері және/немесе олармен үлестес кәсіпорындар ҚР аумағында өздігінен жүретін ауыл шаруашылығы техникасының кемінде екі түрі бойынша өнеркәсіптік құрастыру туралы келісімдер жасасқан ауыл шаруашылығы техникасы мен машиналарын сатып ала алады.

Қарыздың қалған шарттары бойынша қарыз алушы номиналды сыйақы мөлшерлемесінің 15%-ын төлейтін болады. Номиналды сыйақы мөлшерлемесінің қалған бөлігі мемлекеттік бюджеттен субсидияланатын болады.

Ауыл шаруашылығы техникасы мен машиналарын өндірушілердің, сондай-ақ олармен үлестес кәсіпорындардың тізбесі субсидиялаудың Мемлекеттік ақпараттық жүйесінде орналастырылады.