ҚАҚ ауыл шаруашылығы техникасы лизингінің үш бағдарламасын іске қосады

ҚазАгроҚаржы 20 ақпанда ауыл шаруашылығы техникасы лизингінің үш жеңілдікті бағдарламасы бойынша өтінімдерді қабылдауды бастайды. Осы мақсаттарға барлығы жылдық 6% мөлшерлеме бойынша 10,5 млрд теңге бөлінді.

Қаржыландыру бағдарламалар бойынша жүргізіледі:

• «Өз жемшөбіміз» - 3 млрд теңге;
• «Қазақстанда жасалған» - 5 млрд теңге;
• «Жеңілдікті лизинг 6%» – 2,5 млрд теңге.

«Қазақстанда жасалған» бағдарламасы бойынша аграрийлер аспалы, тіркемелі және өздігінен жүретін ауыл шаруашылығы техникасын, сондай-ақ отандық өндіріс және құрастыру көлік құралдарын 10 жылға дейінгі мерзімге жылдық 6% мөлшерлемемен сатып ала алады. Аванс лизинг нысанасының құнының 15%-ын құрайды.

«Өз жемшөбіміз» бағдарламасы қазақстандық және шетелдік өндірістің жемшөп дайындау техникасы мен жылжымалы суару жүйелерін қаржыландыруға бағытталған. Мұнда да мөлшерлеме 10 жылға дейінгі мерзімге жылдық 6%, аванс кемінде 15%-ды құрайды.

«Жеңілдікті лизинг» бағдарламасы фермерлерге 6% мөлшерлеме бойынша 10 жылға дейінгі мерзімге аванссыз отандық өндірістің/құрастырудың өздігінен жүретін ауыл шаруашылығы техникасын жеңілдікті шарттармен сатып алуға мүмкіндік береді.

«Жеңілдікті лизинг бағдарламалары біздің клиенттерімізде үлкен сұранысқа ие. Сондықтан, бос қолма-қол ақша пайда болғаннан кейін біз оларды дәл осы үш лизинг бағдарламасына - «Қазақстанда жасалған», «Өз жемшөбіміз» және «Жеңілдікті лизинг» бағыттау туралы шешім қабылдадық. Сонымен қатар, қазір алдағы егіске дайындықты бастаудың тамаша уақыты», - деп атап өтті «ҚазАгроҚаржы» АҚ басқарма төрағасының орынбасары Еркебұлан Жұмжаев.

Қаржыландыруға өтінімдерді қабылдау 20 ақпанда сағат 15.00-де ҚАҚ Telegram-боты арқылы басталады. Өтінім бергеннен кейін бес жұмыс күні ішінде ҚазАгроҚаржы филиалына құжаттардың толық пакетін ұсыну қажет.