ҚАҚ ауыл шаруашылығы техникасының лизингі бойынша төлем енгізуді кейінге қалдырды

«ҚазАгроҚаржы» компаниясы алғашқы лизингтік төлемді 2025 жылғы 1 желтоқсанға дейін кейінге қалдырып, ауыл шаруашылығы техникасы лизингінің бағдарламасына өзгерістер енгізді. Бұл туралы компанияның баспасөз қызметі хабарлады.

2025 жылы ауыл шаруашылығы техникасы лизингінің жеңілдетілген бағдарламасына 200 млрд теңге бөлінді. Аграрийлер техниканы 7 жылдан аспайтын мерзімге жылдық 5% мөлшерлемемен сатып ала алады.

«Қазақстанда көктемгі дала жұмыстары басталды. Фермерлер үшін дала жұмыстарын жүргізуге көңіл бөлу маңызды. Алғашқы төлемді кейінге қалдыру оларға қаржылық жағдайды тұрақтандыру үшін қосымша уақыт алуға және жинаудан кейін түскен қаражат есебінен лизинг бойынша алғашқы жарнаны өтеуге мүмкіндік береді», - деді «ҚазАгроҚаржы» АҚ басқарма төрағасы Айдар Прашев.

Ауыл шаруашылығы техникасының жеңілдетілген лизингі 2024 жылы іске қосылды, содан кейін оны іске асыруға 120 млрд теңге бөлінді. Мемлекеттік қолдауды 4,3 мың ауыл шаруашылығы техникасын сатып алған 2,8 мыңнан астам аграрийлер пайдаланды. Жоғары сұраныс тракторларға – 50,2 млрд теңгеге 2 645 дана, сонымен қатар 58,7 млрд теңгеге 649 дана комбайндарға болды.