«Астана Агропартнер» күнбағыс өсіруге арналған ең үздік техниканы таныстырды

«Астана Агропартнер» - Jana Dala/Green Day көрмесінің тұрақты қатысушысы, өйткені бұл алаңды ауыл шаруашылығы техникасының мүмкіндіктерін көрсету үшін өте қолайлы деп санайды. Биыл компания шешімдердің кең жиынтығын ұсынды, олардың арасында қазақстандық нарықтың жаңалықтары да бар.

Бұл туралы ElDala.kz порталына «Астана Агропартнер» компаниясының маркетинг жөніндегі директоры Сәуле Бексұлтанова айтып берді.

Итальяндық Maschio Gaspardo және Zaffrani компаниялары, чех Farmet, ресейлік Veles, «Алмаз» және «Пегас Агро» компаниялары - «Астана Агропартнер» желісіндегі флагмандар, олар маусым сайын еліміздің егістіктерінде өз тиімділігін дәлелдейді.

- Дәстүр бойынша біз егін егуден бастап егін жинауға дейінгі қатарлы дақылдарға арналған техниканың үлкен таңдауын ұсынамыз, - деді Сәуле Бексұлтанова. - Бүгін күнбағыс өсіруді шешкен фермерлерге арналған көрмеде біз қатар аралығы 70 см болатын, 12 қатарлы дәл егуге арналған Maschio Gaspardo Mistral тұқым сепкішін таныстырып отырмыз. Күнбағыс жинау үшін Zaffrani орағы ұсынылды. Бұл екі бренд те біздің фермерлерге жақсы таныс, біз оларды көптеген жылдар бойы ұсынып келеміз және олар өздерін жақсы жағынан көрсете алды. Жыл сайын олар бізден көп мөлшерде сатып алынады.

Демо-көрсетілімдер барысында «Астана Агропартнер» көрмесінде Veles шығарған тіркеме дискілі тырманың жұмысы көрсетілді.

Сондай-ақ, Farmet Hurricane жаңа қопсытқышының демо-көрсетілімі өтті және фермерлер чех техникасының мүмкіндіктеріне қызығушылық танытты. Бұл ені 11 метр болатын егіс алдындағы топырақты өңдеуге арналған әмбебап құрал. Ол төрт қатар табанмен жабдықталған және егістіктерді аграрлық маусымға дайындауда тамаша жұмыс істейді.

- Бұл қопсытқыш Ақмола облысындағы «Новокубанское» ЖШС алаңдарында жұмыс істейді, - деп атап өтті Сәуле Бексұлтанова.