Дизель отынының бағасы биржалық сауда-саттықта өсті

ЕТЅ тауар биржасында 2022 жылғы 19 мамырда дизель отынының сауда-саттығы өтті. Сауда-саттық 4 отандық мұнай өңдеу зауыттарында төрт негізгі сауда құралдары бойынша жүргізілді. Бұл туралы ElDala.kz бәсекелестікті қорғау және дамыту агенттігіне сілтеме жасай отырып хабарлайды.

Өткен дизель отынының биржалық сауда-саттығының қорытындысы бойынша 7 сатып алушыға сауданың жалпы көлемі 1 213 985 156 теңге жалпы сомаға 5 320 тоннаны құрады.

"ДТ-3-К4 маркалы АМӨЗ зауытының дизель отынының орташа өлшенген индексі тоннасына 226 462 теңге, ДТ-Л-К4 маркалы ПМХЗ тоннасына 231 562 теңге, ДТ-Л-К4 маркалы ПКОП тоннасына 226 462 теңге және ДТ-Л-К5 маркалы "Конденсат" АҚ зауытының тоннасына 242 400 теңге",-деп хабарлады БДҚА

Тақырып бойынша оқу: Энергетика министрлігі осы маусымда фермерлер үшін дизель отынының тапшылығы қаупін жойды

Естеріңізге сала кетейік, 13 мамырдағы сауда-саттық қорытындысы бойынша ДТ-3-К4 маркалы АМӨЗ-де дизель отынының орташа өлшенген индексі тоннасына 224 мың 220 теңгені, ДТ – Л-К4 маркалы ПМХЗ-да тоннасына 229 мың 270 теңгені және ДТ - Л-К4 маркалы ПКОП-да тоннасына 224 мың 220 теңгені құрады.

Энергетика министрлігінің ақпараты бойынша, биыл диқандарға көктемгі дала жұмыстарын жүргізу үшін МӨЗ-де тоннасына 212 мың теңгеден (литріне 176 теңге) дизель отыны сатылуда. Аймақтарға жеткізуді және сақтауды ескере отырып, болжамды баға литріне 230-260 теңгені құрайды, бұл бөлшек сауда бағасынан орта есеппен 15-30% - ға төмен. Егін егуге барлығы 400 мың тонна арзандатылған дизель отыны бөлінді.