Ауыл шаруашылығын өнімін өндірушілерді 2020 жылдың соңына дейін жер салығынан босатты

Қазақстан Республикасы Үкіметінің 2020 жылғы 20 наурыздағы №126 Қаулысымен республикалық бюджетті қалыптастырудың, нақтылаудың және атқарудың ерекше тәртібі бекітілсін. Ауыл шаруашылығы өнімін өндірушілердің ауыл шаруашылығы мақсатындағы жерлері бойынша жер салығына «0»коэффициенті енгізілсін.

Қазақстан Республикасы Президентiнiң «Қазақстан Республикасында төтенше жағдайды енгізу туралы», «Әлеуметтік-экономикалық тұрақтылықты қамтамасыз ету жөніндегі шаралар туралы», «Экономиканы тұрақтандыру жөніндегі одан арғы шаралар туралы» жарлықтарға сәйкес салық-бюджет саясатының мәселелерін реттеу мақсатында Қазақстан Республикасының Үкiметi қаулы қабылдады.

Сондай-ақ, ауыл шаруашылығы мақсатындағы жерлер бойынша жер салығын алып тастаумен қатар, Қазақстан Республикасының Ұлттық экономика министрлігі ірі қара малды және асыл тұқымды балапандарды қосылған құн салығы арқылы есепке алу әдісімен төлеу үшін  импортталатын тауарлардың тізбесіне енгізуді қамтамасыз ету тапсырылды.

Қаулы 2020 жылдың  20 наурызынан бастап қолданысқа енгізіледі.