ETS –те дүйсенбі күні 435 млн теңгеге бидай сатылды

Еуразиялық сауда-саттық биржасындағы аптаның басы 4 санатты бидай сатып алу  бойынша ірі  мәміле жасаумен басталды.

Сатушылар аукционға алты лот (әрқайсысы 5 мың тоннадан) қойды. Екі сатушы - 3 сыныпты бидайдың тоннасын 94 мың теңгеден,  төрт сатушы – 4 сыныпты бидайдың тоннасын 88 мың теңгеден ұсынды.

Нәтижесінде бір ғана мәміле жасалды. Сатып алушы 4 сыныпты бидайдан 5 мың тоннаны 87 мың теңгеден сатып алып, 435 миллион теңге төледі.