Қостанайда найзағайдан астық қоймасы құлады

Қостанайда "Компания САЛАМАТ" ЖШС диірмен кешенінің аумағында 1 тамыз күні кешке екі астық қоймасы құлады.

Алдын ала болжам бойынша, құлаудың себебі найзағай болды. Бұл туралы ҚР ТЖМ өнеркәсіптік қауіпсіздік комитетінің облыстық департаментінен хабарлады.

"Бұл жағдай апат ретінде жіктеледі. Құрбандар мен зардап шеккендер жоқ. Оқиға орнында Департамент қызметкерлері жұмыс істеуде", - деп хабарлады ведомстводан.

Сондай-ақ, Департамент апатты тергеу жөніндегі комиссия құрады.

Апаттан келтірілген залал және төгілген астық мөлшері нақтыланбайды.