ЕTS-те 5,7 мың тонна бидай сатып алуға өтінімдер берілді

Еуразиялық сауда жүйесі биржасында сатып алушылар 23 шілде, бейсенбі күні аукционында 4-ші сұрыпты бидайды тоннасына 82 мың теңгеден, ал 3-ші сұрыпты бидайды (тоннасына 87 мың теңге) сатып алуға үш тапсырыс берді.

Алайда жеті саудагердің ешқайсысы сұранысты қанағаттандыруға келіскен жоқ. Оның себебі – айтылған баға мен ұсынылған бағаның сәйкес келмеуі.

Сатушылар 3-ші сұрыпты астықты 94 мың теңгеге, 4-ші сұрыпты бидайды 88 мың теңгеге беруге дайын болған еді.