Қазақстанда астық қоры қазан айының басында 18,5 млн тоннадан асты

Қазақстанда 1 қазанда дәнді және бұршақ дақылдарының қоры 18 млн 563,9 мың тонна көлемінде есептелді, оның ішінде бидай – 14 млн 849 мың тонна. Бұл туралы Ұлттық статистика бюросы хабарлады.

Астықтың жалпы көлемінен азық-түлік қоры 15 млн 240,7 мың тоннадан астам, тұқым – 697,7 мың тонна және жемшөп – 2 млн 625 мың тоннаны құрады.

Азық-түлік бидайының қоймаларында 13 млн 153 мың тонна, тұқым қорында 536,8 мың тонна, 1 млн 159 мың тонна жемшөп болды.

Статведомствоның мәліметінше, ауыл шаруашылығы өндірушілерінің қоймаларында 7 млн 470,9 мың тонна астық, элеваторларда – 4 млн 465 мың тонна, фермерлік шаруашылықтарда – 3 млн 952 мың тонна, көтерме саудагерлерде – 189,8 мың тонна астық болған. Ұн тартушылардың қоры 1 млн 247 мың тоннаны және басқа заңды тұлғалардың 1 млн 179,9 мың тоннасын құрады.

1 қазанда арпа қоры 2 млн 375,6 мың тоннаны құрады: 1 млн 172 мың тонна – азық-түлік, 90,9 мың тонна – тұқым және 1 млн 112 мың тонна – жемдік.

Сонымен қатар, Қазақстанда жүгері қоры 228 мың тоннаны, күріш – 277,6 мың тоннаны, қара бидай – 33,9 мың тоннаны, сұлы – 221,8 мың тоннаны, қарақұмық – 57,6 мың тоннаны құрады.