Қазақстандық арпаның Иранға экспорты екі айда 8 есе өсті

Қазақстанда жыл басынан бері астық жүктерінің экспорты өсуде, бұл ретте тасымалдаудың жаңа бағыттары игерілуде. Атап айтқанда, арпа, жасымық және жүгері тасымалының бірнеше есе артқаны байқалады, деп хабарлады ҚТЖ баспасөз қызметі.

«Қазақстандық арпаны соңғы екі айда сегіз есе өсумен Иран қайтадан импорттай бастады. 10 ай ішінде арпаны экспорттық тасымалдау 710 мың тоннаны құрады (69% өсіммен)», - деп хабарлады Ұлттық компанияда.

Ағымдағы жылы жүгері дәнінің экспорты 1,5 есе өсіп, 117 мың тоннаны құрады. Тәжікстанға тасымалдау 38%-ға, Өзбекстанға тасымалдау 3 еседен астам өсті. Сонымен қатар, биыл Иранға жүгері дәнін тасымалдау басталды.

Жасымық экспорты жеті есеге, 80 мың тоннаға дейін өсті. Ең көп бөлігі Еуропа елдеріне тиесілі, өнімдер Ресей Федерациясының порттары арқылы өтеді.

ҚТЖ мәліметінше, бұршақ тасымалы үш есе өсті. Қазақстаннан Ауғанстанға импорт екі есеге, Өзбекстанға - үш есеге артты.

Күріш өндірушілер Әзірбайжан мен Беларусьтің жаңа нарықтарын игере отырып, экспортты +47%-ға (52 мың тонна) арттырды.