Қазақстандағы астық қоры 16,7 млн тоннадан асады

Қазақстанда 1 ақпанда дәнді және бұршақ дақылдарының қоры 16 млн 795 мың тоннадан астам, оның ішінде бидай – 13 млн 828 мың тоннадан астам болды. Бұл туралы Ұлттық статистика бюросы хабарлады.

Астық азық-түлік қорының жалпы көлемінің 13 млн 345 мың тоннадан астамын, тұқымның – 1 млн 391 мың тоннадан астамын және жемшөптің – 2 млн 058 мың тоннадан астамын құрады.

Қоймаларда 11 млн 817 мың тоннадан астам азықтық бидай болса, тұқым қорында 1 млн 126 мың тоннадан астам тұқым, 884 мың тоннадан астамы жемшөп болды.

Статведомствоның мәліметінше, ауыл шаруашылығы өндірушілерінің қоймаларында 6 млн 300 мың тоннаға жуық астық, элеваторларда – 4 млн 700 мың тоннадан астам, фермерлік шаруашылықтарда – 2 млн 998 мың тоннадан астам, көтерме саудагерлерде – 283 мың тоннадан астам, органикалық химиялық заттарды өндірушілерде – 11,1 мың тоннадан астам астық болған. Ұн тартушылардың қоры 1 млн 332 мың тоннадан астам және басқа заңды тұлғаларда 1 млн 128 мың тоннаға жуық болды.

Айдың басында арпа қоры 1 млн 865 мың тоннадан асты: 805,6 мың тонна – азықтық, 169,8 мың тонна – тұқым және 890 мың тонна – жемдік.

Сонымен қатар, Қазақстанда жүгері қоры 126 мың тоннаны, күріш 238 мың тоннаны, қара бидай – 23 мың тоннаны, сұлы – 235,7 мың тоннаны, қарақұмық – 86,8 мың тоннаны құрады.