Қазақстандық фермерлерге 2020 жылы 95 мың бас асыл тұқымды мал сатып алу үшін несие беріледі
Қазақстанда 2020 жылы 95 мың бас асыл тұқымды ірі қара мал сатып алуға несие беру жоспарланып отыр. Бұл туралы бүгін үкіметтің отырысында Ауыл шаруашылығы министрі Сапархан Омаров мәлімдеді.
«2019 жылы шаруа қожалықтары 63 мың бас ІҚМ әкелінді. Нәтижесінде асыл тұқымды мал басының үлесі 12% -ға дейін өсті. Биыл 95 мың бас сатып алу үшін шаруа қожалықтарына несие беру жоспарланған. Жыл басынан бері 21 мың бас мал сатып алуға қаржы берілді», — деді Омаров.
Ол сонымен қатар өткен жылы пилоттық жоба ретінде малға несие беру жұмыстары жүргізілгенін және биыл бұл механизм көптеген жерде қолданылатынын атап өтті.
Ауыл шаруашылығы министрлігінің мәліметі бойынша, Қазақстанда 279 мың ірі қара малға арналған бордақылау орындары мен 240 мың тонна ет зауыттары бар. Олардың жұмыс істеуін қамтамасыз ету үшін етке мал өткізу жоспары қарастырылған.
«Жыл басынан бері фермерлер мал бордақылау алаңдарына 41,7 мың бас мал тапсырған. Фермерлерді ынталандыру үшін бордақылау алаңына немесе ет өңдеу зауытына сатылатын бұқаның тірі салмағына субсидия беру механизмі енгізілді», — деді Ауыл шаруашылығы министрлігінің басшысы.
Сонымен бірге ол экспорттық келісім шарт бар болған жағдайда айналымдағы қаражат үшін ет комбинаттары мен бордақылау алаңдарына қосымша қаржы беру қарастырылатындығын айтты.