Ақтөбе облысының шаруашылығында ІҚМ-да инфекциялық ринотрахеит анықталды

Ақтөбе облысының Мұғалжар ауданында, Талдысай ауылдық округінде "Дәурен" шаруа қожалығының аумағында шектеу іс-шаралары енгізіліп, онда ірі қара мал арасында жұқпалы ауру анықталды.

"Ірі қара мал арасында "вирустық диарея" және "инфекциялық ринотрахеит" ауруларының анықталуына байланысты "Дәурен" шаруа қожалығының аумағында шектеу іс-шаралары белгіленсін", - делінген Талдысай ауылдық округі әкімінің міндетін атқарушының шешімі жобасында.

Наурыз айының басында ауыл шаруашылығы министрлігі ауыл шаруашылығы жануарларын көктемгі вакцинациялаудың басталғанын жариялады. Осы мақсатта 66 млн дозадан астам препарат бөлінді.

ҚР Ауыл шаруашылығы министрлігінің мәліметінше, жыл сайын ҚР АШМ Ветеринариялық бақылау және қадағалау комитеті қызметті иммунопрофилактикалық іс-шараларды жүргізу үшін сертификатталған ветеринариялық препараттармен қамтамасыз етеді. Қазақстанның ветеринариялық-санитариялық қауіпсіздігін сақтау үшін биыл ауыл шаруашылығы жануарлары мен құстар ауруларының 23 түріне қарсы вакциналардың шамамен 172 млн дозасы қамтамасыз етілетін болады.