Қарағанды саумалын БАӘ-ге жеткізу жоспарлануда

Қарағанды облысында неміс технологиясы бойынша мұздатылған кептірілген бие сүті шығарылады. Өнімдер тек Қазақстанда ғана емес, шетелде де белгілі. Қазіргі уақытта оны БАӘ-ге жеткізу мүмкіндігі пысықталуда. Бұл туралы облыс әкімінің баспасөз қызметі хабарлады.

Қазақ тұқымының жылқысы ұсталатын ферма Осакаров ауданының Жансары ауылдық округінде орналасқан. Қазіргі уақытта "Еуразия Инвест ЛТД" ЖШС сүт өндірісін ұлғайтуды жоспарлап отыр.

"Мал саны 1500-ден 2300-ге дейін өсті. Биылғы жылы мұздатылған кептірілген бие сүтін өндіруді 6-дан 10 мың тоннаға дейін арттырамыз. Сату нарығы да кеңейіп келеді. Қазір біз Дубайда сатып алушымен келіссөздер жүргізіп жатырмыз", – деді компанияның құрылтайшысы Иван Георгиади.

Фермада биелерді сауу процесі автоматтандырылған. Сүт сауылғаннан кейін бірден оны өңдеу басталатын цехке түседі. Осылайша, барлық пайдалы қасиеттер сақталады.

Компания сонымен қатар өсімдік шаруашылығымен айналысады. Биыл оның егістіктеріне 12 мың га егілді, ал келесі жылы егіс алқаптарын 15 мың гектарға дейін ұлғайтып, суармалы жерлерді дамыту бағдарламасын бастау жоспарлануда. Компания осы бағытқа шамамен 2,5 млрд теңге инвестиция салуға ниетті.

Қазір кәсіпорында 100-ге жуық адам жұмыс істейді, ал өндірісті дамыту жаңа жұмыс орындарын қамтамасыз етеді.