Ауыл шаруашылығы министрлігі мал шаруашылығын қолдау тәсілдерін өзгертті

ҚР Ауыл шаруашылығы министрлігі мал шаруашылығын қолдауға бағытталға шараларға бірқатар түзетулер енгізуді ұсынды.

Атап айтқанда, министр Сапархан Омаровтың 17 шілдедегі бұйрығымен Мал шаруашылығын дамыту ережелеріне өзгерістер мен толықтырулар енгізілді. Қой шаруашылығындағы субсидияларға айтарлықтай өзгерістер жасалды: асыл тұқымды қойлармен жасалатын асылдандыру жұмыстарының құны 2,5-тен 4 мың теңгеге дейін, тауарлар 1,5-тен 2,5 мың теңгеге дейін өсті, деп хабарлады Ауыл шаруашылығы министрлігінің баспасөз қызметі.

Сондай-ақ, отандық асыл тұқымды (8 мыңнан 15 мың теңгеге дейін) және импортталған қойларды (бір малға 150 мың теңгеге дейін) сатып алу бағалары артты.

Қазақстандық мал өсірушілерге қосымша қолдау көрсету үшін карантин кезіндегі диагностикалық зерттеулердің бағасы сиырға 23,5 мыңнан 4271 теңгеге дейін, ал Еуропалық Одақтан әкелінген бұқаның құны 28,5 мыңнан 8741 теңгеге дейін төмендетілді.

Әкімдіктер мен ауылшаруашылық тауар өндірушілерінің өтініштеріне байланысты, ҚР Ауыл шаруашылығы министрлігі карантин кезінде импортталған малға диагностикалық сынақтар жүргізу кезінде шығындарды оңтайландыру бойынша жұмыстар жүргізді.

Әкімдіктер мен ауыл шаруашылық тауар өндірушілерінің өтініштеріне байланысты, ҚР Ауыл шаруашылығы министрлігі карантин уақытындағы импортталған малға диагностикалық сынақтар жүргізуде жұмсалатын шығындарды азайтты.

«Еуропалық Одақта жануарлардың аса қауіпті ауруларының эпизоотиялық жағдайы тұрақты болғандықтан, Шмалленберг ауруы бойынша карантин кезінде ЕО-дан импортталған жануарларды ПТР тестілеуін бір -ақ рет тексеру туралы шешім қабылданды. Мұндай бағаны төмендету шаралары импортталған малды әкелуде  ауыл шаруашылық өндірушілерге түсетін ауыртпалықты едәуір төмендетеді», - деп хабарлады баспасөз қызметі. Импортталған жануарларға карантин кезінде диагностикалық зерттеу жасаудың бағасы Қазақстанның барлық аймақтарында бірдей екенін атап өтті.

Сондай-ақ Канададан алынған малды зерттеу құны (ветеринариялық сертификаттарда көрсетілген аурулар тізімі бойынша) сиырға 1978 теңге болады, егер мал қашыруда қолданылмаса, егер ол табиғи мал қашыруда қолданылса, сиырға 3267 теңге болады. Бұқаның зерттеу бағасы сәйкесінше 6448 теңге және 7737 теңгені құрайды.

АҚШ малдары үшін: сиырға - 2697 теңге, бұқа үшін - 7167 теңге. Австралиядан келген ірі қара малға: сиырға - 1408 теңге, бұқаға - 2984 теңге. Латын Америкасынан келген ірі қара малға: сиырға - 4120 теңге, бұқаға - 8590 теңге.

ЕАЭО-ға мүше мемлекеттерден (Ресей Федерациясы және Беларуссия) әкелінген ірі қара малға: сиырға - 3183 теңге (вирустық диарея мен жұқпалы ринотрахеитке қарсы егілмеген) және 1978 теңге (егілген), бұқа үшін - 7653 теңге (егілмеген) және 6448 теңге (вакцинацияланған).

Баспасөз қызметінің хабарлауынша, агроөнеркәсіптік кешенді дамытудың мемлекеттік бағдарламасына сәйкес, 2020 жылы Қазақстанға 95 мың бас ет және сүт бағытындағы ірі қара әкелу жоспарланған. Үстіміздегі жылдың бірінші жарты жылдығында елге 22 мың бас мал импортталды, 10 мыңға жуық мал Қазақстанға импортталды. Шетелдік асыл тұқымды ірі қара малды әкелудің арқасында республикада асыл тұқымды мал басының үлесі едәуір өсті және ірі қара малдың 12% құрады.

Соңғы жылдары ет өндіретін бұқаларды қолдана отырып, асыл тұқымды ірі қара малдың селекциялық-асылдандыру жұмыстарына қатысатын шаруашылықтар санының өсуі байқалды. 2014 жылдан бастап мұндай шаруа қожалықтарының саны үш есеге артып, 20,5 мыңнан асты. Мал тұқымын түрлендіру тәжірибелеріне 1,1 миллионнан астам бас мал немесе ірі қара малдың 33% -ы қолданылады.