Қазақстанда асыл тұқымды голштиндерді онлайн сатып алудың ресейлік сервисі іске қосылды

Ресейлік «Агропромкомплектация» компаниясы Қазақстанның фермерлерінен асыл тұқымды құнажындарға онлайн-тапсырыстарды қабылдай бастады.

Қазақстанның және ТМД басқа елдерінің ауыл шаруашылығы кәсіпорындары мен фермерлері онлайн режимінде голштин сүт тұқымының төлдері мен қашарларына тапсырыс бере алады, деп түсіндірді компанияда. Сатуға ұсынылған асыл тұқымды жануарлар Тверь және Курск облыстарындағы фермаларда ұсталады.

«АПК-ферма» онлайн-сервисінің навигациясы таңдау жасауға және менеджермен байланысу үшін өтінім қалдыруға мүмкіндік береді. Тапсырыс келісілгеннен кейін екі апталық карантин кезінде жануардың онлайн көрсетілімі болады. Әрі қарай, фермерлер малды өз бетінше немесе сұраныс бойынша сатушының серіктес логистикалық компаниясының көлігімен жеткізуді ұйымдастыра алады.

Компанияның мәліметінше, ҚР фермерлері ірі қара малдың бір басынан тапсырыс бере алады, бірақ көтерме сатып алушыларға басымдық беріледі.

«Агропромкомплектация» Ресейде шикі сүт өндірісі бойынша үшінші орында.